Ներկայումս, ԱրԹարումյան տառատեսակներն օգտագործելու իրավունքը ձեռք բերելու համար անհրաժեշտ է կապվել հեղինակի՝ Ռուբեն Հակոբյանի (Թարումյանի) հետ սույն կայքում բերված հեռախոսահամարով կամ էլ-փոստով։ Աշխատանքներ են տարվում առգիծ վաճառքների իրագործման ուղղությամբ։

Ոչ։ ԱրԹարումյան տառատեսակների օգտագործման իրավունքը կարող է տալ միայն դրանց գույքային իրավունքների կրողը։ Ներկայումս որեւէ կայքի կամ համակարգչային խանութի չի թույլատրված վաճառել դրանց օգտագործման իրավունքները։ Բոլոր նրանք, ովքեր անվճար տարածում են տառատեսակները, չունենալով դրա իրավումնքը ենթակա են պատասխանատվության ըստ Հայաստանի Հանրապետության օրենքների։

ԱրԹարումյան տառատեսակների հեղինակը Ռուբեն Հակոբյանն է։ ԱրԹարումյան տառատեսակների բոլոր ոչ գույքային իրավունքները պատկանում են հեղինակին։ Տառատեսակների մեծ մասի գույքային իրավունքները նույնպես պատկանում են Ռուբեն Հակոբյանին։ Մի շարք տառատեսակների գույքային իրավունքների կրողը Մաշտոցյան Մատենադարանն է։ ArmNLS2.0 սարքավարի հետ մատակարարվող Arial AM եւ Courier AM, ինչպես նաեւ Arial AMU տառատեսակները ազատ են, եւ կարող են գործածվել անվճար։

Մեսրոպ Մաշտոցը հայոց այբուբենի հեղինակն է, այլ ոչ թե այս կամ այն տառատեսակի։ Դարերի ընթացքում հայոց տառաձեւերը մշակել են բազմաթիվ հեղինակներ, սկսած Մաշտոցի գործընկեր Հռոփանոսից եւ մինչեւ մեր օրերը։ Յուրաքանչյուր տառաստեղծ յուրահատուկ, անկրկնելի ձեւով է մշակում մաշտոցյան տառերը (ինչպես խաչքարագործներն են յուրովի ձեւավորում խաչապատկերը), ներդնելով իր ջանքերը, ճաշակը, ժամանակը, ու, բնականաբար, ակնկալում դրա դիմաց փոխհատուցում։ Տառաստեղծների այդ բնական իրավունքը հատուկ ձեւակերպված է «Հեղինակային եւ հարակից իրավունքների մասին Հայաստանի Հանրապետության օրենքում»։